كنا بجنة مسكونة
ببسمات ملونة ...مولدنة ... مجنونة
بضحكات مهلهلة ومسموعة
كنا ندور ونسهر
باوقات منسية
نروح ونشتغل
وببالنا قصص مهضومة
ونخلق مشاكل بسيطة
لنتسلى ونخترع هموم مكذوبة
مو موجودة ....
ماخطرلنا تصير قصتنا
قصة خيالية مركونة
حلم بعيد
وبوقت كتير قريب
ماخطرلنا نفترق ونتوزع ببلاد مجهولة
وبصدورنا نفس عميق فيو الالام
كتيرة مطمورة
ماخطرلنا للحظة تصير همومنا المكذوبة ،
هموم بترعب وموجودة
فكرنا رح نكبر مع بعض
ونحكي حكايات الولاد
وقصصنا بالسفرات
واكلاتنا بالحارات
كنا متأكدين من عنوان البيت
ومواعيد كل الاعياد ومحلات الاسواق
كنا مفكرين هادا وطننا لطول العمر والأيام
عجب رح ترجع ايام زمان ...؟
رح ننسى الجروح والاوجاع ...؟
ولا رح تكون قصتنا بس بتنحكى ومابتنعاد ...؟
بقلم ساندرا أكوبيان
0 Response to "كّنا بجنة مسكونة ..... بقلم ساندرا أكوبيان"
إرسال تعليق